Fredag

Vi ønsker å invitere til ein uformell minglekveld på fredagskvelden.

Fredag inviterer vi til quiz og mingling på sjølvaste Treskeværket. Vi opnar dørene kl. 19:00, kom når du vil – men gjerne før quizstart kl. 20:30. Lyset går på ca. kl. 23:30, slik at alle er klare til den store dagen på lørdag!

For å sette stemninga håpar vi du tek på deg ein liten detalj frå dine eigne glansdagar på Tresken – eit plagg, eit par sko eller eit tilbehør som var ekstra "hot" på den tida.

For dykk som ikkje er frå Førde og lurer på kva vi snakkar om: ta på deg noko som var populært frå dine "glansdagar på byen".

Poenget er ikkje at nokon skal kjøpe noko nytt – her gjeld det å grave fram noko gammalt gull frå loft, bod eller bakerst i skapet! Vi ønskjer å presisere at det ikkje er eit kostymeparty, og ingen skal måtte leite gjennom alle kassane på loftet for å finne eit heilt antrekk – det held i massevis med ein liten detalj som gir eit lite nikk til den tida.

Men – kveldens hottaste stil blir sjølvsagt premiert!

Det blir ikkje servert mat denne kvelden, og drikke kjøper de sjølv i baren. Skulle du bli svolten i løpet av kvelden er det heldigvis kort veg til bolsing og burger på Best.

Treskeværket ligg i kjellaren på Scandic Sunnfjord Hotell.